Video

Transkriptlər

Bəşəriyyətin ən güclü nüvə silahını okeanın ən dərin nöqtəsində partlatsaq nə baş verərdi?

Şübhəsiz ki, hündürlüyü yüzlərlə metr olan sunamilər sahilyanı şəhərləri məhv edəcək, zəlzələlər ölkələri yerlə-yeksan edəcək, yeni vulkanlar bizə nüvə qışı gətirəcək.

Bəlkə hətta Yer kürəsi parçalana bilər?

Ya da orbitindən çıxa bilər?

Demək olar ki, hə.

Hazırda Yerin ən dərin məlum nöqtəsi Marian çökəkliyinin içərisindədir.

Marian çökəkliyi iki tektonik plitənin düz kənarında çox dərin bir vadidir və alt-üst dağa bənzəyir.

O, təxminən 11 kilometr dərinliyə çatır ki, bu da Titanikin qaranlıq məzarından demək olar ki, üç dəfə dərindir.

Bu, insanların kəşf etməsi üçün Yer üzündəki son yerlərdən biridir.

O, zülmət qara və 1000 atmosfer qədər təzyiq altında, insanların olmaması sayəsində nisbətən təmiz bir mühitdir.

Nüvə sınağımız üçün əla yerdir.

Biz insanların indiyə qədər partladığı ən güclü nüvə bombasından, RDS-220 hidrogen bombasından və ya Çar Bombasından istifadə edəcəyik.

Onun partlaması o qədər böyük idi ki, şok dalğası Yer kürəsini üç dəfə dövrə vurdu və göbələk buludları 56 kilometr səmaya uzandı.

Onun şok dalğası min kvadrat kilometrdə hər şeyi məhv edəcək qədər güclü, alov topu dağıntıları yandıracaq qədər isti idi.

Bu kimi bombalar bir anda o qədər böyük enerji buraxır ki, bütün bir gölü qaynada bilərlər.

Əgər biz Marian çökəkliyində nüvə bombasını işə salsaq, məhz bu baş verəcək.

Gəlin tətiyi çəkək.

İlk bir neçə mikrosaniyədə nüvə yanacağı zəncirvari reaksiyaya girir və 50 meqaton TNT gücündə partlayır.

Tarixdə ilk dəfə olaraq çökəkliyin qaranlığını göz qamaşdıran bir işıq işıqlandırır.

Partlayışın istiliyindən boşluq, alovlu su buxarı qabarcığı, radioaktiv nüvələr və çox uğursuz balıqların qalıqları yaranır.

Qabarcıq ətrafındakı suyu buxarlandırdığı üçün sürətlə böyüyür.

Qabarcığın təzyiqi çox böyükdür, sanki heç bir maneə yoxmuş kimi çölə doğru güclənir.

Bütün dünyada seysmik stansiyalar və balinalar tərəfindən hiss ediləcək bir şok dalğası göndərir.

Sonra, demək olar ki, ortaya çıxdığı kimi də dayanır.

Yerin səthində bu alov topu qabarcığı partladıqdan sonra saniyədə on kilometrə qədər böyüyəcək, çünki atmosfer onu saxlamaq üçün çətinliklə mübarizə aparır.

Ancaq Marian çökəkliyinin dibindəki təzyiq çox böyükdür.

Üzərindəki 11 kilometr su ilə Marian çökəkliyində olmaq hər tərəfdən hidravlik preslə əzilmək kimidir.

Partlamadan bir saniyə sonra qabarcığımız təxminən bir kilometr enindədir, qəribə olsa da, o, kiçilməyə başlayır.

Qabarcıq həddindən artıq uzanır, genişləndikcə təzyiqi itirir, su onu geri qaytarana qədər yenidən sıxılır.

Alovlu ölüm qabarcığı ilə su arasındakı döyüş bir neçə dəfə irəli-geri gedir, qabarcıq kiçilir və böyüyür, ta ki, həmişəlik uduzana qədər.

Ətrafındakı təzyiq çox böyükdür və turbulent su onu parçalamağa başlayır.

O, göbələk buludunun sualtı ekvivalentinə bənzər bir şeyə çevrilir, çünki o, yuxarıya doğru üzən bir çox kiçik, isti və radioaktiv qabarcıqlara parçalanır.

Bizim güclü, dağıdıcı partlayışımız səthə qalxdıqca, əsasən, heç nə etmir.

O, Sakit okeanda sadəcə olaraq kiçik bir dalğa və qaynayan radioaktiv, ilıq sudur.

Heç bir sunami Yaponiya və ya Kaliforniyanı yuyub aparmayacaq, baxmayaraq ki, ərazidəki qayıqlar və balinalar bu zaman pis vaxt keçirə bilər.

Radioaktiv tullantılar bir neçə gündən sonra Sakit okeanda durulaşacaq, ancaq kifayət miqdarda radioaktiv su və duz atmosferə toplanacaq və sonra yenidən yağış formasında geri yağacaq.

Külək radioaktiv tullantıları birbaşa Filippinə doğru sovursa belə, bunun ən pisi yəqin ki, okeanlarda baş verir.

Ancaq aydındır ki, əsl təhlükə partlayışdan təsirlənən zəlzələlər və vulkanlardan qaynaqlanır, elə deyilmi?

Bombanı düz çökəklikdə, tektonik plitələrin toxunduğu yerdə partlatsaq belə, yenə də elə olmayacaq.

Partlayış dəniz dibinin bir hissəsini buxarlandıracaq və çoxlu qumu şüşəyə çevirəcək, lakin enerjinin böyük hissəsi seysmik dalğalara deyil, suya keçir.

Tektonik plitələrin sərhədlərində zəlzələlər olduqca yayğındır.

Bizim bombamız qədər seysmik enerjiyə malik zəlzələlər isə heç bir apokalipsisə səbəb olmadan ildə bir neçə dəfə baş verir.

Amma ola bilər ki, bu, Yerin orbitinə təsir edəcək.

Yerdən heç bir kütlə götürülmədiyi və ya əlavə edilmədiyi üçün orbitimiz bundan təsirlənmir.

Həmçinin son 70 ildə mindən çox nüvə sınağı olub və bu, orbitimizi dəyişməyib, bəs bu dəfə niyə fərqli olsun?

Bəşəriyyətin sərbəst buraxa biləcəyi ən güclü qüvvələr təbiət qüvvələri ilə müqayisədə gülüncdür.

Planet çox böyükdür.

Onun vecinə deyil.

Beləliklə, okeanın dərinliklərində nüvə silahını partlatsaq, bizə nə olacaq?

Demək olar ki, heç nə.

Videolarımızdakı hər quşun bir sahibi olduğunu bilirdinizmi?

1000-dən çox insanın öz quşu var.

Bu, bizə hər şeyi izah etməyə kömək edir, arxa planda təlxəklik edir və ya dəhşətli və qarşısı alına bilən ölümlə ölür.

Əgər siz də öz quşunuzun olmasını istəyirsinizsə və onun videolarımızdan birində görünməsini istəyirsinizsə, onu patreon.com/kurzgesagt saytından əldə edə bilərsiniz.

Patreon özümüzü təmin etməyimizin əsas yollarından biridir.

Beləliklə, gözəl bir avatar əldə etməklə yanaşı, daha çox və daha yaxşı videolar hazırlamağımıza da kömək edirsiniz.