影片

文字稿

試諗下喺未來，你部多士爐識得估你想要邊種多士

喺日頭嗰陣，佢又識上網搵新奇有趣嘅多士種類

或者佢會問下你今日過成點， 又同你講下有乜新嘅多士科技

咁喺邊個層次佢會變成一個「人」呢?

又喺邊個位你會問你自己「唔通部野有感覺」？

如果佢真喺有，掹走佢個插蘇會唔會等於殺咗佢？

而且你重有冇權擁有佢？ 我哋有日會唔會被逼要畀我哋嘅機器權利？

（翻譯呢家野呢, 志在抓住神髓 咪逐隻字同我拗: 你譯得唔準啊 又乜又乜啊, 大佬, 照譯就唔地道架啦！）

人工智能(AI)已經一早喺你隔離

佢確保啲十蚊店都有充足嘅貨

佢識賣啲啱你睇嘅廣告， 你重可能睇到一個完全由機器作嘅新嘅故仔添

而家我哋睇見好似Siri咁嘅傾偈機械人 重可以笑下佢哋啲生硬嘅模擬情緒

但喺最後我哋可能始終要面對一種情況

就係連真人定電腦都分唔到

到底而家有冇機器應該得到權利？

多數重未有 但如果真係出現咗，我哋重未有心理準備接受

權義哲學中大部份內容都對人工智能嘅問題無符

大多數申索權利嘅主張，不論畀一個人類或一隻動物，都係圍繞意識嘅問題

好唔好彩，無人知乜野係意識

有啲人覺得佢屬於非物質性， 其他人話係一種物質嘅狀態，好似氣體或液體咁

先唔講精確嘅定義，我哋直覺上會知意識係乜野， 因為我哋每個都有

我哋感知到自己同周圍嘅環境， 重知冇咗意識係乜野感覺

有啲腦神經專家相信, 任何夠先進嘅系統都係能夠產生意識嘅

所以如果你部多士爐硬件夠勁， 佢都可能變成有知覺

假如佢真係有，佢有冇資格享有權利呢？

嗱，就無咁快嘅 究竟我哋要定義啲乜野為之「權利」先合情理呢？

意識之所以能夠令物種有權利 係因為佢令一個物種有感受痛苦嘅能力

意思係呢個能力唔單只令佢識得痛， 重知道有痛苦呢樣野

機械人就唔識痛喇， 如果我哋唔特登去入程式嘅話佢哋就成世都唔會識得痛

冇咗痛苦或快樂,，就冇話鍾意唔鍾意， 咁講權利都冇乜意義啦

我哋嘅人權同我哋自己套「程式」關係就大喇， 譬如我哋唔鍾意痛

係因為我哋個腦進化咗用佢黎保命

為咗唔令我哋去掂啲好熱嘅火堆， 或者去令我哋遇到猛獸時識得走

於是我哋就得出一套保護我哋 免受令人痛苦嘅侵害嘅種種權利

甚至乎有一啲好似自由噉咁抽象嘅權利， 係基於我哋個腦生出黎嘅雷達

去分乜野係公平同唔公平

一部唔識郁嘅多士爐 會唔會去介意自己好似被人困住咁呢？

如果佢唔怕死，會唔會介意被人拆散晒？

如果佢無自尊心，會唔會介意被人侮辱？

不過如果我哋入啲程式 令部機識得感覺痛苦同情緒呢?

令佢想要公義多過不義，想要快樂唔要痛苦 同埋感知到呢啲係乜野

咁樣夠唔夠令佢哋變成人類?

好多科技人士相信科技會有個爆炸性變化發生

就喺人工智能識學習同創造佢哋自己嘅人工智能

而且重叻過晒佢哋自己嘅時候

到呢一步，我哋啲機械人要點樣入指令嘅問題 已經基本上唔喺我哋嘅掌握之中

假如一個人工智能覺得自己有需要編程 去令佢有感覺到痛苦嘅能力

就好似演化過程當中 大多數生物都因為有需要演化出痛感一樣咁呢？

咁樣啲機械人有冇資格擁有咁嘅權利？

不過我哋或者唔使咁擔心 呢啲超叻嘅機械人會為我哋帶黎災難，

反而應該多啲擔心我哋帶畀佢哋嘅危險

我哋成套「人」嘅身份認同 係建立喺人類例外論呢個諗法上，

即係我哋好似獨一無二嘅雪花片一樣咁獨特， 所以有資格主宰自然萬物

人類有史以黎 不斷否認其它物種會好似佢哋咁識得痛苦

喺科學革命時期, 笛卡兒拗話動物只係自動識行嘅機械人

因為咁，整傷隻兔仔就同揼下隻毛公仔 喺道德上黎講差唔多冇乜野

而好多最無人性嘅罪行都俾啲犯合法化咗 （打仗、獵巫）

就係用受害者似動物多過文明人啲咁嘅理由免罪

更加大問題嘅係我哋有一種經濟上嘅誘因 去否定機械人嘅權利

如果我哋威逼一個有情感嘅AI― 可能係用折磨程式―要佢點就點

個經濟潛在好處真係無窮無盡

畢竟，我哋以前就做唔少啦

又鞭又打咁去逼我哋啲人去做生做死

而且我哋重用滿天神佛合理化勞隸制 萬試萬靈

奴隸主拗話奴役對啲奴隸有益處: 咁先令啲奴隸有瓦遮頭 同埋教佢哋信基督喎

反對女人投票嘅男人 拗話咁係為女人好，應該等男人做咁困難嘅選擇

農場主人拗話養啲動物咁耐， 佢哋早啲死等我哋有得食黎作為報答好合理

如果機械人變成有情感，肯定會大把人拗話

佢哋應該繼續乜野權利都冇， 尤其嗰啲可以從中大賺嘅人

人工智能帶出咗 關於哲學要點樣定界嘅嚴肅問題

我哋要問乜野問題去決定 有咗感覺嘅機械人係咪都有意識 或者應唔應該得到權利，

咁會逼使我哋提出一啲基本問題， 例如乜野令到我哋叫得上人呢？ 乜野令我哋有資格得到權利呢？

無論我哋點諗， 呢條問題可能都要快啲解決先得

如果機械人開始要求攞返佢哋嘅權利 我哋要點做呢？

機器人對其權利嘅追求又會教識我哋啲乜野呢？

我哋喺Wisecrack嘅老友整咗條片 用西部世界個哲理探討下呢條咁堅嘅問題

Wisecrack志在以獨特且發人深省嘅觀點 去剖析流行文化

撳入呢度睇下啲片同訂閱我哋嘅頻道啦