Video

Transkriptlər

Son bir neçə ildə orqanik qidalar hər yerə yayılıb.

Daha yüksək qiymətlərə baxmayaraq, orqanik məhsulların alınması bir alternativdən mənəvi və sosial məsuliyyətə çevrilir.

Orqanik qidaların daha sağlam, daha təbii və daha etik olduğu güman edilir.

Bəs biz orqanik deyəndə, ümumiyyətlə, nəyi nəzərdə tuturuq?

Bu məsələdə qlobal konsensus yoxdur, ona görə də fərqli bölgələrin fərqli tərifləri və qaydaları var.

Ümumilikdə, orqanik qidalar GMO toxumları, sintetik gübrələr və ya sintetik pestisidlər olmadan yetişdirilir.

Bunun əvəzinə, orqanik fermerlər əkin dövriyyəsi kimi qida istehsalının daha ənənəvi üsullarından və kompost və ya peyin kimi orqanik gübrələrdən istifadə edirlər.

Orqanik qida almaq üçün motivasiya açıq-aydın nəcib olsa da, bu, həqiqətən effektivdirmi, yoxsa özümüzü günahkar hiss etmədən üstündən keçə biləcəyimiz başqa bir bahalı tendensiyadır?

Orqanik qida daha sağlamdırmı?

Orqanik bitkilərlə əlaqəli bir fikir var ki, təbii becərilmələri onları daha qidalı və daha sağlam edir.

Həqiqətən, bir sıra araşdırmalar orqanik qidaların daha çox antioksidant ehtiva etdiyini aşkar etdi.

Bitkilər onları bir növ evdə hazırlanmış pestisid kimi istehsal edir.

Belə görünür ki, orqanik bitkilər daha çox işləməlidirlər, adi bitkilər isə insanlardan çoxlu kömək alırlar.

Antioksidanların sağlamlığa faydalı olduğuna inanılır, baxmayaraq ki, elm adamlarının hələ də onlarla bağlı şübhələri var.

Onların bizə tam olaraq kömək edib-etmədikləri və ya müəyyən bir miqdarı qəbul etmək üçün nə qədər məhsul yeməli olduğunuz barəsində heç bir fikrimiz yoxdur.

Bəs orqanik olanın daha qidalı olması haqqında nə demək olar?

Deməli, sübutlar qarışıqdır.

Bəzi tədqiqatlar, orqanik qidaların C vitamini və omeqa-3 yağ turşularının bir qədər yüksək konsentrasiyalarına malik ola biləcəyini, digərləri isə əhəmiyyətli fərqlər tapmadığını aşkar etdi.

Ümumilikdə, qarışıq sübutlar qida dəyərində yalnız kiçik fərqlərin olduğunu göstərir.

Beləliklə, indiyə qədər mövcud olan elmdən elə görünür ki, orqanik qidanın əhəmiyyətli sağlamlıq faydaları yoxdur.

Bildiyimiz odur ki, ümumiyyətlə, meyvə və tərəvəz yemək sizin üçün faydalıdır və çoxumuz bunu kifayət qədər etmirik.

Tərəvəz yemək sağlamlığınız üçün onların necə istehsal olunduğundan daha vacibdir.

Orqanik qida daha təbiidirmi?

İnsanlar yalnız əlavə vitaminlər qəbul etmək üçün deyil, həm də zəhərli maddələrdən yayınmaq üçün orqanik məhsullar alırlar; məsələn, süni pestisidlər və gübrələr.

Və həqiqətən də bir neçə tədqiqat göstərir ki, orqanik məhsullarda həqiqətən daha az pestisid qalığı var.

Amma burada işlər mürəkkəbləşir.

Daha az pestisid ümumiyyətlə olmaması demək deyil.

Pestisidlər orqanik əkinçilikdə ən son seçim olmalı olsa da, onlar qadağan olunmayıblar.

Əksər orqanik pestisidlər bitki yağları, isti kül sabunu, kükürd və ya mis sulfatlar kimi təbii toksinlərdir.

Ancaq sintetik maddələr də mövcuddur.

Orqanik və adi pestisidlər arasındakı fərq nədir?

Əslində, bu elə də çox deyil.

Orqanik pestisidlərin adi pestisidlərdən daha təhlükəsiz olması mütləq deyil.

Toksik elə toksikdir.

Bu, maddənin emal olunmasından və ya təbiətdən əldə edilməsindən asılı deyil.

Əslində, tez-tez orqanik almalarda istifadə edilən, orqanik pestisid seçimi olan mis sulfat, əslində insanlar üçün daha zərərlidir.

Hər hansı bir maddənin toksikliyi onun konsentrasiyasından və sizin ona məruz qalmağınızdan asılıdır, təbii olub-olmamasından deyil.

Mövcud pestisidlərə məruz qalma səviyyəmizin uzunmüddətli sağlamlığımıza necə təsir etdiyinə dair bir neçə son araşdırma var.

Fransada 2018-ci ildə aparılan araşdırma heç vaxt orqanik qida qəbul etməməyi müəyyən xərçənglərin yüksək riski ilə əlaqələndirmişdi.

Ancaq o araşdırma çox tənqid edilmişdi.

İştirakçılar öz qidalanma vərdişlərini özləri bildirmişdilər, onların orqanizmlərində pestisid səviyyələri ilə bağlı faktiki sınaqlar aparılmamışdı.

İşləri daha da mürəkkəbləşdirən bu oldu ki, 2018-ci ildə bir Danimarka araşdırması böyüklər üçün pestisidlərin təhlükəsinin hər üç ayda bir qədəh şərab içməyə oxşar olduğunu göstərdi.

Tərəvəzlərinizdə olan pestisidlər yuxularınızı qaçırmalı olan bir şey deyil.

Buna baxmayaraq, biz yeməklərimiz üçün ciddi standartlar tələb etməyə davam etməliyik.

Bütün pestisidlər Aİ və ABŞ-da çox ciddi şəkildə tənzimlənir və sınaqdan keçirilir.

Hər il minlərlə qida nümunəsi pestisidlər üçün yoxlanılır.

Nümunələrin əksəriyyətində qalıq yoxdur və ya qəbul ediləcək səviyyəsinin sadəcə kiçik bir qismi var.

Hazırda bakteriya və göbələklərdən yoluxma daha təhlükəlidir.

Və bu cəbhədə risk eynidir - istər orqanik, istərsə də adi qida.

Orqanik qidalar ətraf mühit üçün daha yaxşıdırmı?

2017-ci ildə bir meta-analiz orqanik əkinçiliyə ətraflı nəzər saldı və 700-dən çox istehsal mənbəyindən olan orqanik və adi qidaları və onların istixana qazı emissiyaları, enerji istehlakı və torpaq ehtiyacları kimi kateqoriyalara təsirini təhlil etdi.

Nəticə?

Heç bir istehsal üsulu ətraf mühit üçün daha yaxşı deyil.

Orqanik sistemlər adi sistemlərdən daha az enerji sərf edir, lakin oxşar istixana qazı emissiyalarına malikdir.

Orqanik fermalar daha az pestisiddən istifadə edirlər, lakin eyni miqdarda məhsul istehsal etmək üçün daha çox sahəyə ehtiyac duyurlar.

Bu qarışıq nəticələr İsveç qida agentliyinin hesabatı ilə də təsdiqlənib.

Orqanik və adi qidalar əksər hallarda bərabər idi.

Ən böyük fərq torpaq istifadəsində idi.

Burada adi əkinçilik açıq şəkildə qalib gəlmişdi, ekotoksikliyə gəldikdə isə, orqanik əkinçiliyin açıq üstünlüyə malik olduğu görülmüşdü.

Beləliklə, bu nəticələrə görə, adi əkinçilik,əslində, orqaniklə müqayisədə ətraf mühitə nisbətən bir az daha az təsir göstərir.

Nəticə odur ki, orqanik qida bildiyimiz qədərilə, adi məhsullardan üstün deyil.

Lakin, orqanik kənd təsərrüfatının da daha geniş səviyyədə təsiri var.

Tələb durmadan artır və bazarı təmin etmək uğrunda mübarizə daha az dayanıqlı istehsal üsullarına gətirib çıxara bilər.

Məsələn, İspaniya ixrac üçün çoxlu enerji xərcləyən geniş istixana sahələrində tonlarla adi və orqanik tərəvəz yetişdirir.

Və bunun ətraf mühitə əhəmiyyətli dərəcədə yüksək istixana qazı emissiyaları kimi digər təsirləri də var.

Və artan tələbat yerli istehsal hesabına ödənilə bilmədiyi üçün qlobal ticarət və orqanik qidalar da artır.

Təchizat zəncirləri getdikcə mürəkkəbləşdikcə, bütün növ qidaları orqanik keyfiyyətdə istehsal etmək, orqanik keyfiyyət standartlarını və qaydaları təmin etmək getdikcə çətinləşir.

Bu, adi qidaların bahalı orqanik məhsul kimi etiketlənərək satıldığı saxtakarlıq hallarına gətirib çıxarıb.

Lakin orqanik vs ənənəvi qida obyektiv müzakirə mövzusu belə deyil.

Orqanik sadəcə istehsal metodu deyil.

Çoxları üçün bu bir ideologiyadır.

Orqanik məhsul almaq yaxşı hiss etdirir.

İnsanlar öz uşaqlarının sağlamlığı və planetin rifahı üçün düzgün olanı etmək istəyirlər.

Ancaq instinktimiz üçün orqanik olanı yaxşı, ənənəvi olanı isə pis hesab etmək ən ağlabatan qərarın qəbuluna mane ola bilər.

Həll yolu orqanik və ənənəvi əkinçiliyi bir-biri ilə uyğunsuz kimi görməyi dayandırmaq ola bilər.

Onların hər ikisinin müsbət və mənfi cəhətləri var və sağlam qidaları səmərəli şəkildə istehsal etməyin ən yaxşı yolu onların ən yaxşı xüsusiyyətlərinin birləşməsidir.

Şəxsi alış-verişinizə gəlincə, hansı yeməyi almağınız ondan nə gözlədiyinizdən asılıdır.

Əgər siz sadəcə olaraq sağlam qidalanmaq istəyirsinizsə, daha çox meyvə və tərəvəz almalısınız, orqanik olmağı mütləq deyil.

Əgər narahatlığınız ətraf mühitə aiddirsə, sadəcə olaraq orqanik məhsul almaq sizin üçün bu problemi həll etməyəcək.

Ən asan yol yerli qidanı mövsümündə almaqdır.

Mövsümi qidalar, əslində, həqiqi orqanik qidalardır.

Qısaca, orqanik etiketi pəhriziniz üçün təhlükəsizlik sertifikatı və ya sağlam qidalanmağın universal həll yolu deyil, bir istehsal qeydidir.

Nə yediyiniz onun necə istehsal olunduğundan qat-qat daha önəmlidir.

İstehsal bizim animasiyalarımız üçün çox əhəmiyyətlidir.

Biz onları böyük sevgi və qayğı ilə edirik və ən yaxşı şey odur ki, siz onları necə etdiyimizi öyrənə bilərsiniz.

Kurzgesagt 2D animasiya dərslərinin üç hissəli seriyası ilə yaradıcılar üçün sevimli onlayn öyrənmə icmamız olan Skillshare-ə qoşuldu.

Skillshare film, yazı, dizayn və texnologiyadan tutmuş hər şey üzrə 25.000-dən çox dərs təklif edir.

Premium üzvlük sizə ayda cəmi 10 dollar ödəməklə limitsiz giriş imkanı verir.

Ancaq sizin üçün hədiyyəmiz də var!

Videonun təsvir hissəsindəki linkdən istifadə edəcək ilk 1000 insan üçün ilk iki ay pulsuz olacaq.

Beləliklə, 2019-cu ili başlamaq üçün animasiyanı sınamaq və personajlarımıza həyat vermək və ya yaradıcılığınızı və hətta karyeranızı gücləndirmək üçün başqa bir şey öyrənmək istəyirsinizsə, indi bunu edə bilərsiniz!